San Marino an chak ve ta!

Football thuneitu sang FIFA World ranking aṭanga teh chuan a hniam ber an ni a, mahse San Marino (world number 210) chuan Liechtenstein (world number 199) chu 1-0 in an hneh, a vawi khat nan UEFA Nations League-ah hnehna an chang.

An rama mipui awm zawng zawng pawh mi 33,000 bawr chauh an ni a, India nen chuan khaikhin chi a ni lo! Aizawl khawpui ai pawhin mihring an tlem zawk, an mipui zawng zawng pawh hi stadium pakhata inhnawh leng vek tur an ni.

San Marino Stadium-ah mikhual an thleng a, minute 53-naah Nocko Sensoli chuan inkhel goal awmchhun a khung - kum 20 chhung tehmeuh mai chak ni hmel hmu miah loa an awm tawhna chu a tawp.

An chak hnuhnung ber hi kum 2004 kha a ni a, hemi ṭuma an hneh pawh hi Liechtenstein tho hi niin si khat fai thoin an hneh. Match 140 teh meuh mai hneh nei loa an awm hnuah an chak a, an tan thil hlu bik a ni ngei ang.