Euro champion Spain chak zo lo

Spain chuan Ningani zan khan European champion an nih hnua an match hmasa ber an khel a, mahse, UEFA Nations League-ah Serbia khelmualah hnehna chang zo loin, 0-0 in an inhnehtawk.

La Roja tan hrem vangin captain Álvaro Morata leh midfielder Rodri te an inlan thei lo a, goalkeeper Unai Simon a inhliam bawk - kim loa khel Spain-in beisei an phak lo a, Serbia forward Luka Jovic-a'n khung ngei tura ngaih a khung loh chu an vanneihpui hle.

Spain manager Luis de la Fuente chuan, "First half-ah khan kan khel chhe vel vek a ni ber mai. Second half-ah hma kan sawn hret a, mahse, tlarhmaah kan la hriam tawk chuang lo.

"Kha aia ṭha zawka tithei kha kan ni a, ka player-te an chau a ni. Boruak a lum hret a, harsa kan ti - lungngaihna tur a awm lo. Pre-season ang chauh a la ni a, hma kan sawn leh mai ang," a ti a, a player-te a ringtawk.