NBA playoff a hmuhnawm Celtics, Raptors, Nuggets leh Clippers intluk tlang

Toronto Raptors chuan a zawna a vawi hnih nan Boston Celtics an hneh a, conference semifinal series-ah 2-2 chiah a ni. Inkhel dangah Denver Nuggets pawhin Los Angeles Clippers hneh let ve lehin team pahnih hi 1-1 in an inhneh-tawk mek.

Eastern Conference semifinal-ah Raptors tan Pascal Siakam chuan point 23 neiin a team hi 100-93 in hnehna a chanpui a, a tir lamah vawi hnih chak lo mah se tun hnaiah a zawna hnehna an chan leh tak avangin beisei an nei sang.

Raptors leh Cletics hian Thawhlehni zing dar 4:00-ah game 5 an khel dawn, Raptors tana point 22 neitu Kyle Lowry chuan, "Rilru zawng zawng kan seng a, kan theihna zawng zawng kan hlan bawk," tiin a sawi.

Celtics head coach Brad Stevens chuan, "Beisei kan phak lo, kan tha a za loin ka ngui hle," a ti. Game 5 an khelh hunah chuan thapui an thawh leh tur thu a sawi bawk a, regular season laia an chunga awm team hi hneh ngei a tum.

Inkhel dangah guard Jamal Murray chuan Nuggets tan point 27 neiin Western Conference semifinal-ah a team hi Los Angeles Clippers lakah 110-101 in hnehna a chanpui, anni hian Thawhlehni zing dar 6:30-ah game 3 an khel ve leh thung ang.