Spain ngam loh Netherlands

2014 World Cup khan Spain leh Netherlans te hi group khatah an awm ho a, Netherlands hian 5-1 in an sawp. Thawhlehni zan khan Amsterdam-ah friendly match an khel leh a, Netherlands bawk chak lehin 2-0 in Spain an chak lo.

Iker Casillas aia lut Man­chester United goalkeeper David De Gea che ṭha hle mah se Centre back Stefan de Vrij leh midfielder Davy Klaassen te goal khung tur erawh a dang zo lo. Dutch team hian inkhel bul ṭan aṭanga minute 15 chhung lekin goal hnih an khung hman a ni.

Guus Hiddink-a'n Netherlans a enkawl nawn hnuah a chet ṭhatpui lo hle a, Spain nen an inkhelh hma hian Euro qualifier-ah Kazakhstan leh Latvia an hneh bak chu chak an nei lo. Italy, Czech Republic, Iceland leh Mexico lakah an tlawm, coach lakah hian rinna an hloh in beisei an nei sang tawh lo hle. Mahse tun ṭuma Spain an hneh hian phurna leh inrintawkna a pe ngeiin a rinawm.

Kum 2001 hnuah Spain hi friendly match-a a zawna vawithum an chak loh zawn na hmasa ber a ni.

Ram pahnih te hi kum 2016 Euro France a khelh tur atan an inbuatsaih mek a, Netherlands hi Group A-ah awmin pathumna an ni mek a, Spain hi group C-ah awmin pahnihna an ni mek thung.