Spurs Stadium sakna tur an ti fel

Tottenham Hotspur chuan an stadium sak thar tura buaina an neih ṭhin chu an ching fel ta. He thu hi Thawhlehni khan an club website-ah an puangchhuak a ni.

London club Tottenham hian an stadium White Hart Lane mi 36,284 lenna chu mi 56,000 lennaah siam an tum a, an stadium ṭhenawm a Archway Sheet Metal Work ram nek buai a ngaih dawn avangin rei tak an lo buai tawh. Kumin February khan High Court chuan Spurs hnenah Stadium sak phalna hi pe in Archway chuan court thutlukna hi khin let an tum lo a ni.

Tottenham thuchhuak chuan, "Tottenham Hotspur Football Club leh Archway Sheet Metal Works Ltd te chu ram buai chungchangah kan in rem tawh a, buaina a awm tawh lo ang. Archway te hi an sumdawnna an insiam fel hun chhung atan kum khat pek an ni a, hemi hnu hi chuan Stadium sak ṭhat hna hi a thawh theih tawh ang," an ti a ni.

Stadium hi 2018-19 season atan peih hman tum a ni a, pound maktaduai 400 vel sen tura ruahman a ni.