Portugal barakhaihtu Cape Verde Islands

Khawvela football pet thiam ber te zinga mi Cristiano Ronaldo te ram Portugal chu ram lar lo tak World ranking-ah pawh 38 na Cape Verde Islands in 2-0 in an barakhaih.

He inkhelah hian Odair Fortes leh Estaline Dias Barros te chuan first half-ah goal khat ve ve khungin an ram hi an chakpui a ni.

Portugal hi tunlaiin an khel ṭha tluang a, Euro qualifying-ah pawh group hmahruaitu ni mekin kum 2016-ah France a kal turin an dinhmun a ṭha rih hle. Mahse, Thawhlehni zan khan Atlantic tuipuia thiarkar te takte Cape Verde Islands lakah an chak lo a ni. Friendly match mah nise inkhel borak ṭang tak a ni tih tilang chiang tu chu Portugal defender Andre Pinto hnawhchhuah a ni hi a ni.

Cape Verde hi hi kumin Africa Cup of Nations-ah khan group stage paltlang zo loin an tla. Portugal hian African khawmualpui hi an ngam angreng hle a, an hneh lo ngai meuh lo. Kum 1986 hnua African nation an hneh loh lehna hmasa ber a ni.