Yuvraj-a'n 'comeback' a tum
Kum 2011 World Cup-a 'Player of the Tournament' Yuvraj Singh leh India player pawimawh ṭhin Zaheer Khan te chuan India Premier League-a ṭha taka khelha India team a lo kir leh an in beisei thu an sawi.
IPL team Delhi Daredevils in vaibelchhe 16-a an lakluh thar Yuvraj chuan, "Cancer vanga rei tak ka kul cho hnu in tunhnaiah ka rawn kir leh tawh a, domestic cricket-ah ka khelh ṭhatna IPL-ah ka chhunzawm thei a nih phawt chuan India tan ka khelh leh theih ka beisei a ni," tiin India tan rawn kir leh thuai a tum thu a sawi.
Delhi in vaibelchhe li a an lei Zaheer Khan chuan, "Cricket khelh leh vat vat ka chak tawh a ni. Rei tak ka chawlh hnua khel leh tur ka ni a, theihtawp chhuahin India tan khelh leh ngei ka tum dawn a ni," a ti.
Yuvraj Singh leh Zaheer Khan te hi 2011 World Cup-a India an champion theih nana player thawhhlawk ber pawl pahnih an ni.