Quarter final-ah Djokovic

Champion lai Novak Djokovic chuan Miami Open last 16-ah a khingpui Ukrainian Alexandr Dol­gopolov chu set khatna a hloh hnuah lehthalin quarter final a inhlangkai.

World number 1 Serbian Djokovic hian Dolgopolov lakah set khat na 6-7 (3-7) in a hloh nghal a, set hnihnaah pawh 4-2 in a dinhmun a derthawng hman hle. Mahse a tawnhriat ngah tawh chhawr ṭangkaiin 7-5 in a lehthal a, set hnuhnung berah chuan awlsam takin 6-0 in set a la zui thei a ni.

Quarter final-ah hian Gilles Simon 7-6 (7-5) 6-0 a hnehtu David Ferrer nen an inhmachhawn leh ang.

Hmeichhe lamah Venus Williams chuan sedeed 12-na Carla Suarez Navarro chu 0-6, 6-1, 7-5 in a hneh lo a, semifinal a thleng zo ta lo.

Williams chuan, "Ka khel ṭha loin tihsual ka ngah hle a, vawiin ka inkhelah khan lawmna tur a vang hle a ni. Chutih rualin ka khingpui khan a khel ṭha em em a chak kha a phu zawk a ni," tiin a sawi.