Real Madrid-ah Brazilian defender Danilo

Brazil right-back Danilo Luiz da Silva chu season thar aṭangin Real Madrid player a ni tawh ang. Danilo manah hian Real chuan pound maktaduai 23 an seng a ni.

Danilo hian kum ruk chhung cham turin Real hi a pan dawn a, 2012 June 30 thleng Real player a ni dawn tihna a ni. Kum 2012 khan Santos aṭangin Porto a zawm a, a che ṭha chho hle. Hei vang hian khawvel club hausa ber te zingami Real hian an lo hmuhhmaih lo hle. Porto tan hian match 85 khel tawhin goal riat a khung tawh nghe nghe.

Dunga-a'n Brazil a enkawl nawn leh hnuah ram tan a khel tam ṭan a, ram tan vawi 13 a inlan tawh. Kum 2012 London Olympics khan silver medal a lo dawng ve tawh a ni. Real-ah hian player ṭha tak tak an awm khawm mek a, Danilo pawh hian khelhna hmun chang tur chuan Dani Carvajal leh Alvaro Arbeloa te a nekchhuah theih a ngai ang.