Southampton an hlawk

Tunhnaiah Premier League club te'n hlawkna an tel nasa a, club ṭhangduang tak Southampton pawh an bang bik lo. Sainst hian nikum khan pound maktaduai 33 zet hlawkna an tel a, hei hi 2009-a sum leh pai lama an tlakchhiat hnua an hlawk lehna hmasa ber a ni.

Kum 2013 khan Southampton hian pound maktaduai 7.1 an hlauh. Mahse, tun hnaiah Premier League in Television rights aṭangin tluklehdingawn thum chuang an lalut a, Sainst ho pawhin heta ṭang hian hlawkna an lo tel ve a ni. Southampton sum lakluh zat hrim hrim hi 2013-ah pound maktaduai 71.8 a nih laiin 2014-a an lakluh erawh pound maktaduai 106 a ni thung.

Southampton sum lakluh belhkhawm hi Liverpool lama an player pawimawh an hralh tak Adam Lallana, Dejan Lovren leh Rickie Lambert te leh Arsenal lama kal ta Calum Chambers te man an lakluh chhut tel lohin a ni.