Blatter-a'n inthlak a tum - Rummenigge

European Club Association (ECA) chair­man Karl-Heinz Rummenigge chuan FIFA president Sepp Blatter chu inthlak dang­lam tura a inpeih reng thu a sawi.

Germany interna­tional striker hlui Rum­menigge chuan, "Inthlak danglam turin Blatter hi a inpeih a ni. Amah ka ṭan emaw ka thlawp ngawr ngawr vang lam ni lo in tunhnaiah FIFA hi a ṭha lam zawngin a inthlak nasa a, hmalam panin FIFA hi a kal a ni," a ti.

Bayern Munich chair­man ni bawk Rum­menigge hi tunhma a Blatter duh lo tu langsar zinga mi ni ṭhin a ni a, a thusawi hi kumin-a FIFA president nihna chuh leh tur Blatter tan chuan a lawmawm khawp ang. FIFA president hi Sepp Blatter bakah footballer ropui ṭhin Luis Figo, Dutch FA president Michael Van Praag bakah AFC Vice president Prince Ali te'n an chuh dawn a ni. Blatter hi thlan tlin a nih leh chuan FIFA president a nih vawi nga na tur a ni dawn a ni.