ICC president a bang

International Cricket Council president Mustafa Kamal chu lungawi loh vangin a bang.

Kamal chuan, "Ka ban chhan chu dan lo anga che te nena thawh ho hi ka thei tawh lo. Cricket aṭangin hetiang mi dik lo ho hi tel lo se, chuti lo chuan cricket hi tih chhiatin a awm dawn a, hma a sawn ngai dawn lo," tiin ICC chu nasa takin a sawi chhia.

Bangladeshi politician ni bawk Kamal chuan sawi zelin, "Ka ban chhan hi mipuiin an la hriat ngei ka ring. Tunge thil ti dik lo, an thil tih leh ICC an kalpui dan hi hre ngei se ka duh," a ti.

Pathiannia Australia-in World Cup an champion khan Kamal hi trophy hlan tuah an hmang lo a, a aiah ICC chairman Narayanaswami Srinivasan, Indian mi an hmang.

Kamal hi quarterfinal-a Bang­ladesh-in India an hneh loh danah a lawm lo bawk. Kamal chuan, "Bangladesh run 109 zeta an chak lo kha ruahman lawk a ni. Umpire thutlukna khan beisei a pha lo hle," tiin a sawi a, ICC lam in an pha nasa hle.

ICC chuan Kamala ban thu hi an hre tawh a, a banna lehkha erawh an la hmuh loh thu an sawi.