Milan-ah loan-in Brahim Diaz a khel dawn

Real Madrid midfielder Brahim Diaz chuan season khat chhung loan-a khel turin AC Milan a zawm a, season tharah chuan Italian club jersey hain Serie A lamah kan hmu dawn tihna a ni. 

Kum 21 mi midfielder hian January 2019 khan Real hi Manchester City aṭangin a zawm a, kum ruk leh a chanve chhung khel turin contract a ziak - City hi Malaga aṭangin kum 14 mi niin a zawm a, English club tan hian match 15 khel hmanin goal hnih a khung. 

Real-a pan hnuah 2018-19 season chhung khan inelna hrang hrangah match 11 khelin goal khat a khung a, season hman zawh takah khan inelna hrang hrangah match 10 khelin goal khat a khung a, assist vawi khat a nei. 

La Liga nomawi an chawina kawngah match ruk a khel ve a, mahse bench aṭang veka luhtir a ni. Zinedine Zidane hnuaiah hmun a chan hleihtheih loh avangin inzir belh turin AC Milan hi a zawm dawn a ni. 

Season hmasa Serie A-a parukna AC Milan hian European football-a an ropuina neih let leh tumin nasa takin hma an la a, Diaz hian jersey number 21-a hak tur thu an sawi.