Premier League-ah Covid-19 kai thar pariat

European football a league en hlawh ber tih ngam Premier League chuan coronavirus testing an neih hnuhnung berah mi pariat an positive thu an sawi a, an nihna leh hming erawh tarlan a ni lo. 

Premier League hian October 12 - Ocotber 18 inkar khan player leh club staff mi 1,575 zet chu test a neihtir a, an zingah mi pariat ngawtin Covid-19 an kai tih an hmu chhuak a ni. 

English top flight a player leh staff, Covid-19 kai tharte hi mahni in lamah ni sawm chhung an inkhung hrang ang. 

Premier League player leh staff-te hi kar khatah vawi hnih endik ṭhin an ni a, October 5 - Ocotber 11 inkara test-ah khan mi panga an positive a, hemi test hmaa test-ah mi pakua an positive bawk.