Amir Khan te inhnek maithei

Floyd Mayweather leh Manny Pacquiao te inhnek turin boxing khawvel a chiah hneh a, boxing ngainatute tan inhnek dang hmuhnawm tak hmuh tur a awm leh maithei.

Tunhnai khan WBC lightweight cham­pion Adrien Broner chuan twitter-ah phone-a British boxer lar Amir Khan nen an in be lai video a dah chhuak a, a hnuaiah 'Broner Vs Khan' tih a ziak chu a dah bawk a ni.

Bolton khaw chhuak Amir Khan hian nikum December-a Devon Alexander a hneh hnu in tumah a la hnek leh rih lo a, May thla khian boxer lian tham tak pakhat tal chu a inhnek pui leh rin a ni.

American boxer Broner hian mi 31 inhnek pui tawhin vawi khat chiah a la chak lo a, a hneh loh hi kum 2010-a Amir Khan-a'n a lo hneh tawh hnu a ni.

Vawi 33 inhneka vawi 30 chak tawh Amir Khan hian Broner hi a inhnek pui a, a chak a nih chuan May 2-a Floyd Mayweather leh Manny Pacquiao inhnek a chak zawk zawk tumna hun ṭha a nei thei dawn a ni.