Morocco an hlawhtling

Africa rama foot­ball thuneitu sang Con­federation of African Football-in 2015 Africa Cup of Nations thleng duh lo Morocco chu 2017 leh 2019 African Cup khel thei lo turin hrem mah se Morocco hi infiamna lama thuneitu sang Court of Arbitration for Sport lakah an zual ko a, an hlawhtling.

Morocco FA (FRMF) vice president Nourredine Bouchhati chuan, "Chan­chin ṭha duhawm tak a ni. Ti kha chuan chuan CAF nena kan inkar ṭha lo pawh chin felin a awm a, ṭha takin kan thawk dun leh thei tawh ang," a ti. Morocco FA pawisa chawi tur £675,000 pawh CAS chuan £34,000-ah a tih hniam sak bawk.

Morocco in Ebola vanga tlai hnuhnawha an thlen theih loh thut avang hian Equatorial Guinea-in thla hnih chiah inpuahchahna hun an nei a, an thlen danah fel fai tawk lo a tam hle.

CAF chuan African Cup buaina vanga an channa zângnadawm nan FRMF chu euro maktaduai 8 chawi turin thu a pe a, he thu hi court-ah la ngaihtuah ṭhat leh tur a ni.