Lakers-in Heat an thlang - O’Neal

Los Angeles Lakers legend Shaquille O’Neal chuan a club hluiin NBA finals-a an hmachhawn turah duh thlang thei se chuan Boston Celtics aia Miami Heat an thlan tur thu a sawi.

Miami Heat NBA final thleng turin Eastern Conference final game 6-ah Celtics 125-113 in an hneh a, 4-2 in series an la. NBA final hi tukin zing dar 6:30 aṭangin Disney's Wide World of Sports Complex-ah khelh ṭan a ni dawn. LA Lakers star LeBron James hian kum 2012 leh 2013 khan Heat hi vawi hnih a champion pui tawh a ni.