Bengaluru an him hram

I League-ah hma­hruaitu Mohun Bagan-in Zirtawpni zanah Salgao­car 3-1 in an hneh a, Jeje Lalpekhlua a khel tluan a, goal erawh a khung lo.

Inrinni zanah cham­pion lai Bengaluru-in Shillong club Royal Wahingdoh an mikhual a, team pahnih hi an vawi hnih inkhelhna niin Shillong-ah Bengaluru 4-0 in an chak.

Bengaluru-ah Mizo tlangval Lalchhawnkima khelhna an che ṭha zawk a, Seong Yong Kim-a penalty leh Franco goal hmanga an hmahruaina chu Robin Singh leh Sampingiraj te hmangin Bengaluru-in a sut ve ve. Minute 70-naah a vawi khatna atan Josh Walker hmangin Bengaluru-in hma an hruai a, mah se goal chance ngah zawk Wahingdoh-in an phu ang ngeiin Reagan Singh hmangin an sut.

Champhai tlangval keeper Lalthuammawia Ralte chet ṭhat zarah Benga­luru an him hram a, feet nga leh inches 10-a sang keeper hian ṭha tak takin a dang.

Zirtawpni zanah Shi­llong Lajong-in goal ruk ngawt an khung a, Mumbai FC 6-0 in an sawp. Lajong goal thumna hi Armed Veng tlangval Zodingliana Ralte khung a ni.

Zirtawpni Zan
Mohun Bagan 3 - 1 Salgaocar
Bengaluru 3 - 3 Royal Wahingdoh
Mumbai 0 - 6 Shillong Lajong
Inrinni Zan
Sporting Goa 2 - 2 Dempo
Pune 1 - 1 Bharat FC
# Team Pld GD Pts
1 Mohun Bagan 10 12 24
2 Bengaluru 12 7 21
3 Royal Wahingdoh 12 2 21
4 Pune 11 4 17
5 Salgaocar 11 -2 14
6 East Bengal 10 2 13
7 Mumbai 11 -6 12
8 Bharat FC 10 -1 11
9 Shillong Lajong 10 0 10
10 Dempo 11 -5 10
11 Sporting Goa 12 -13 6