Atletico Madrid-in Cordoba an hneh

La Liga-ah champion lai Atletico Madrid-in Inrinni zan khan Cordoba 2-0 an hneh a, champion nawnna chance nei chhe mah se an chunga awm Barcelona leh Real Madrid tan pressure an pe chhunzawm zel.

Atletico tan Antoine Griezmann leh Saul te'n first half-ah goal an khung a, second half-ah goal a lut tawh lo.

Atletico manager Diego Simeone chuan, "Thil lawmawm tak chu field chhunga kan chet dan hi a ni. Inkhel kan thunun a, inkhelh chhung zawngin hlauhthawnna kan nei lo. Kan mamawh hun takah player-te an che ṭha a, an chungah rinna kan nghat bawk," tiin a sawi.

La Liga-ah Barcelona-in point 68 hmuin hma an hruai mek a, Real Madrid (64) leh Atletico (62) te an dawt.

Inkhel Results

Eibar 1 - 2 Rayo Vallecano

Sevilla 2 - 0 Athletic Club

Cordoba 0 - 2 Atletico Madrid

Almeria 1 - 4 Levante

Malaga 1 - 1 Real Sociedad