Lyon-in hma an hruai rih

French Ligue 1 inkhelah Lyon-in an kingpui Gui­ngamp chu 3-1 a hnehin table-ah Paris Saint-Germain lehpelin hmahruaitu an ni.

Lyon tan hian first half minute 26-naaah attacking midfielder Nabil Fekir chuan an goal hmahruai a khung a, tun season-ah Fekir hian goal 12 a khung tawh. Lyon forward Alexandre Lacazette chuan minute 39-ah penalty aṭangin an goal hnihna a khung bawk.

Clinton Njie chuan second half minute 61-ah an goal thumna khungin Claudio Beauvue chuan minute 80-ah Guingamp goal awmchhun hi a khung ve bawk. Guingamp midfielder Christophe Kerbrat chu hnawhchhuah a ni.

Inkhel dangah Champions League aṭanga Arsenal pet chhuaktu Monaco leh St Etienne te chu goal khat ve ve khungin an inhnehtawk a, minute 62-na a Mevlut Erding tauh luh chu Monaco tan Anthony Martial-a'n minute 68-ah a sut a ni.

Tun dinhmunah French Ligue 1 match 31 khelh tawh aṭangin Lyon hian point 61 hmuin hma an hruai mek a, Nizan zanlai khan pahnihna PSG leh pathumna Marseille te an inkhel ang. He mite pahnih inkhel a zir hian hmahruaitu hi an la inthlak leh nghal thei a ni.