A vawi riat nan Serena a champion

World number 1 Serena Williams chuan Miami Open final-ah a khingpui seeded 12-na Suarez Navarro chu 6-2, 6-0 a sawpin a champion a. Miami Open-ah hian vawi riat a champion-na chiah a ni.

Kum 33-a upa Williams hian final-ah hian harsatna a tawk lem lo a, minute 56 chhung lekin a khingpui Navarro hi a hneh thei a ni.

Williams hi tunlai hmeichhe tennis khel zingah chuan a chung­nung fal hle a, chawlhkar 116 chhung zet World number 1 a ni tawh a, tennis a khelh chhungin vawi 66 chet champion nomawi a chawi tawh bawk. Ani ai a chawitam thei awmchhun chu Billie Jean King chiah a ni.

American Williams chuan, "Vawi riat ka champion thei hi ka lawm hle, ka kum a tam telh telh a champion pawh a harsa zel. Mahse kum upat lama champion chu a dan a dangin a lawmawm bik riau a ni," tiin a sawi.

Mipa lamah semi final a John Isner hnehtu World number 1 Novak Djokovic leh Tomas Berdych hnehtu British number 1 Andy Murray ten nizan khan final an khel a, result kann hre hman ta lo.