Mbappe hoin PSG an chak

Kylian Mbappe leh Moise Kean te goal hmangin Paris St-Germain chuan Lorient 2-0 in an hneh a, Ligue 1 nomawi an kawl lai humhim turin kawng dik an zawh chhunzawm zel.

Hliam vangin Neymar inlan thei lo mah se PSG tan buaina tur a awm lo. Andrew Gravillon-a penalty hlawhchhuah chu Mbappe-a'n Paris club tana a goal 103-na ni turin a khung a, Everton aṭanga loan hmanga an hawh Kean chuan chak a nemnghet bawk.

Inkhel dangah Lyon chu Brest nen 2-2 in an inhnehtawk a, hmahruaitu Lille erawhin Dijon 2-0 in an hneh ve thung. Point 32 neiin Lille chu a chung berah an la awm, pahnihna PSG nen an inkarah point khat chauh a awm thung.