Herrera hi a fing - Juan Mata

Manchester United midfielder Ander Herrera-a'n Inrinnia Aston Villa 3-1 a an hneh ṭumin goal hnih a khung a, a hnampui Juan Mata chuan player fing a nih thu a sawi.

Spanish midfielder Mata chuan, "Aston Villa lakah goal thum ropui tak kan khung a, Rooney goal kha mi nazawng khung theih a ni lo, goal hmuh nuam tak a ni. Ander-a'n goal hnih a khung kha ka lawmpui a, a phuin ka hria. Amah hi field chhung leh pawnah pa rem hre tak a ni," tiin a blog-ah a ziak.