Mourinho-a'n Fabregas a chhan

Spanish midfielder Cesc Fabregas-a'n season ṭan tirhah bul a ṭan ṭha a, league match 21-ah assist 15 zet a nei. Amaherawhchu inelna hrang hrang match hnuhnung 13-ah assist vawi khat chiah a nei a, tun hnaiah a che ṭha lo.

Chelsea boss Jose Mourinho chuan, "Fabregas-a'n assist a neih tlem vanga a che ṭha lo anga an ziak hi a dik lo. Assist neih zat hi a ngai reng thei lo, a chhan chu Fabregas-a ball pass ṭhin khan goal a khung lo tihna a ni mai. Kan team tan hian a la che ṭha reng a, a khelh danah hian hlauhthawn tur a nei lo," tiin a player chu fak hle.

Nemanja Matic chung­chang sawi zuiin Portuguese manager chuan, "Matic hi chuan hrem a tawk a, Capital One Cup final-a kan chak zawh khan champion lawmna lamah a inhliam a, ngai a la awh lo a ni. Team rilru put hmang hi a pawimawh ber a, hun harsa hmachhawn hi kan tih tur a ni," tiin a sawi.

Chelsea hian league-ah point 70 an hmu tawh a, an­mahni hnaih bertu Arsenal aiin vawi khata khel tlem chungin point sarihin an sang zawk.