Tottenham in Champions League an khel lo ang - Neville

Pathiannia Tottenham leh Burnley te goal awm lo a an inhnehtawk hnuah, Manchester United defender hlui Gary Neville chuan season tharah Tottenham in Champions League an khelh phak a rin loh thu a sawi.

Spurs hi tunah Premier League-ah parukna an ni mek a, palina Manchester United nen an inthlauhna chu point sarih zet a tling tawh. Match sarih chauh khelh tur a awm tawh avangin palina nih phak chu thil huphurhawm tak chu a ni ve tawh ngei ang.

Neville chuan, "Chhiarkawp dan hmang chuan thil theih chu ala ni ngei mai, mahse tunlaia an khelh dan thir hi chuan thil theih a nih a rinawm loh a ni," tiin a sawi.

Sawi chhunzawmin Neville chuan, "Nikum kumtawp lama Everton nen an inkhel kha ka en a, khatak kha chuan team ṭha tak an ni a, tuna an khelh dan leh khatih laia an khel kha chu inthlau tak a ni tawh. Europe aṭangin an tla a, chumi hnuah Capital One Cup aṭangin an tla leh bawk a an zuih sawt hle a ni," tiin a Spurs chu hmasawn lo a hnung tawlh zawnga an kal thu a sawi.