Gomis hian goal a khung zel ang - Monk

Swansea manager Garry Monk chuan a striker Bafetimbi Gomis chuan goal tam zawk a thun zel tur thu a sawi.

Hull City nen an inkhelh ṭuma goal mawi taka khungtu Gomis chu fakin Premier League a goal khung tura theihna a neih thu leh chu chu an lakluh chhan a nih thu a sawi.

Gomis hian Lyon aṭangin nikum nipui lai khan Swansea hi a zawm a, a club thar tan hian a che ṭha nghal mai lo. League game riat a khelh hmasakah goal a khung miah lo. Mahse tunah chuan a club tan hian goal nga a khung ve tawh a ni.