Liverpool player-te chhantu Rodgers

Liverpool manager Brendan Rodgers chuan Inrinni-a Arsenal 1-4 laia an hneh lo hnua a player te an sawiselna chu a chhanglet. Liverpool player hi tunhnaiah media ṭhenkhatin in pe tawk lo tiin an sawisel a ni.

An sawiselna te hi chhangin Rodgers chuan, "Tunhnaiah kan khelh danin a zir lo a ni maithei a, mahse kan inpekna leh tumna te hi chu a ngai reng a ni," a ti.

Rodgers chuan Cham­pions League khelh an la beisei reng thu sawi bawkin, "Chhiar kawp dan aṭanga chhut chuan Champions League khelh hi kan tan a harsa tawh maithei, mahse a pawimawh ber zawk chu kan rilru hi a ni. Kan rilru a huaisen a tumna kan neih phawt chuan season tawpah a sang pali zingah kan la tel thei chiang a ni. Kan game hmabak pasarihah hian chak vek phawt a pawimawh a ni," tiin an game hmabak a chak vek a pawimawh thu a sawi.