Kerala Blasters-in Balotelli duh lo

Indian Super League club Kerala Blasters chuan Manchester City striker hlui Mario Balotelli lakluh theihna remchang nei mah se, Italian striker lakluh hi an duh lo - club nei loa awm mek Balotelli tan chuan thu hriat nuam a ni lo ang.

Balotelli hian season hmasa kha Turkish Super Lig club Adana Demirspor tan a khel a, season khat hnu lekah a chhuahsan - hmanni lawk khan dressing room-ah halmawi hmanga dressing room-ah a team mate-te a beih avangin thawm a nei hat.

City bakah Inter Milan, AC Milan, Liverpool leh Nice tante pawha lo khel tawh Balotelli hi a theihna chu a la sang reng - season hman zawh takah pawh khan Turkish Lig-ah match 16 khelin goal sarih a khung.

Mahse, a nungchang avangin club tam takin an la ngam lo. Blasters pawh hi Balotelli lakluh an duh leh duh loh hi agent lam aṭanga zawh an ni a, an zawrh a ni ber. Mahse, South Indian club hian a nungchang leh sulhnu avangin lakluh loh an thlang ta zawk a ni.