Haller-a'n goal mawi a khung

West Ham-in Nilaini zan khan London Stadium-ah Crystal Palace an mikhual a, 1-1 in an inhnehtawk. Eagles tan Christian Benteke-a'n minute 34-naah Joel Ward-a cross a tauh lut a, Belgian striker hian match hnuhnung pathum aṭangin goal thum a khung. 

Hammers-in minute 55-naah Sebastien Haller hmangin siphurh an sut a, French forward hian minute 55-naah ding lam aṭanga Vladimir Coufal cross chu mawi zetin a 'scissor kick' goal. Haller-a'n goal a khung hnu hian Palace striker Benteke chu minute 70-naah Tomas Soucek a man avangin yellow card vawi hnihna a hmu a, hnawhchhuah a ni.

Benteke hian Inrinni zan dar 6:00-a a club hlui Liverpool an hmachhawn hunah a khel ve thei dawn lo. Belgian striker awm loh hnu hian Scott Dann leh Cheikhou Kouyate te hmangin Eagles-in Hammer an chelh a, goal dang a lut tawh lo. 

West Ham boss David Moyes chuan, "Haller-a goal khung kha a mawi hle. Mamawh hunah goal ṭha tak a khung a, chutihrualin kha aia awlsam pawhin a khung thei tur a ni," tiin Haller-a goal khung dan a fak rualin goal khung hrim hrim a pawimawh thu a sawi.

Nikum July thla khan Sebastien Haller hian pound maktaduai 45-in Eintracht Frankfurt aṭangin London club hi a zawm a ni.