India chet ṭhat ber ṭum a thleng

Paris Paralympics 2024 chu Pathianni zan khan a hmawr bawk a ni a, vohbikte infiamna khawmpui lianah hian India chuan medal 29 a la a, inelna neih tawh china a chet ṭhat ber ṭum a tawng.

Paralympics hi vawi 17 neih ni tawhin India hian tun ṭumah hian gold medal pasarih, silver medal pakua leh bronze medal 13, a vaiin medal 29 lain a pumpuiah 18-na dinhmun an luah a ni.

Ram 170 inel zingah China chuan gold medal 94 lain an chungnung ber, an hnuaiah Great Britain leh United States te an awm. Paris khawpuiah hian infiammi 4,463 pungkhawmin, infiamna peng hrang 22-ah te inelna neih a ni.