Morgan a chawl dawn ta

United States hmeichhe team striker Alex Morgan chuan Pathianni khan professional football match hnuhnung ber a khel a, National Women's Soccer League-ah San Diego Wave tan captain hna chelhin North Carolina Courage lakah 4-1 in an chak lo.

Kum 35 mi Morgan hian kar liam ta khan a fa pahnihna tur a pai tih a hriatin inkhelh a chawlhsan tur thu a puang. Hei vang hian Pathiannia San Diego Wave leh North Carolina inkhel tur pawhin ngaihven a hlawh hle.

Morgan hian minute 10-naah penalty a hlah a, minute 16-naah a thlak nghal. Entu mipui 26,516-in US hmeichhe team ti hmingṭhatu zinga mi Morgan hi standing ovation hmangin zahna chibai an buk.

US striker Morgan hian kum 15 chhung hmeichhe football inelna sang ber a khel a, USA-in World Cup 2015 leh 2019 an champion zawn khan a tel a, 2012 London Olympics-ah gold medal a la bawk.