Mizoramin Inter SAI Championship-ah medal 10 la

All India Inter SAI Taekwondo Championship khelh zawh takah Mizoram aiawh a kal Lunglei leh Aizawl SAI ten chuan gold medal pakhat, silver medal pahnih leh bronze medal pasarih, a vaiin medal 10 an la.

Lucknow, Uttar Pradesh-a inelna neihah gold medal la tu hi R. Vanrohlua, Lunglei Theiriat veng niin Lunglei SAI a zirlai a ni mek a ni a. Senior Under 74 kg-ah khelin finalah Madhya Pradesh hnehin a champion a ni.

Silver medal latute hi Aizawl SAI a zirlai ve ve niin Esther Vanthangpuii, Khawruhlian leh Linda Lalhmingsangi, Maubawk te an ni a. Esther hian Cadet Under 59kg ah Ladakh a hneh lo. Linda-i hian cadet under 49kg huangah Assam hneh loin silver medal a dawng thung.

Mizoram team te hi SAI coach Durjeet Singh leh manager B. Lalchhuanchhuahi ten an hruai a. Championship-ah hian India ram chhung region 10 aṭangin State Training Centre hrang hrang 20 an in el a, player 500 chuang an tel a ni.