Fulham-in relegation zone chhuahsan

Fulham-in Craven Cottage-ah Brighton & Hove Albion an mikhual a, goal a lut lo. Cottagers hian point kua hmuin relegation zone an chhuahsan a, an hnuaia awm Burnley-in match hniha khel tlemin point kua tho an hmuh avangin an dinhmun erawh a la ṭha lo.

Brighton keeper Robert Sanchez a che ṭha a, Ruben Loftus-Cheek leh Ademola Lookman te goal khung tur a dansak. Chutihrualin Seagulls defender Adam Webster-a'n crossbar a tauh per a, Adam Lallana goal khung chu VAR hmanga ennawn a nih hnuah Danny Welbeck a handball avangin pawm a ni lo bawk.

Fulham boss Scott Parker chuan, "Liverpool nen match hautak zet kan khelh avangin kan khelh danah kan chau tih a lang. Inkhel pumpui thlir chuan point khat hi result awm tak a ni," tiin a sawi.