Wigan manager Mackay an ban

Ni 138 chhung chauh a enkawl hman tihin Malky Mackay chu Wigan manager a nihna aṭangin ban a ni.

Wigan hi tunhnaiah an che chhe hle a, Cham­pionship division-ah match 41 khelh tawh aṭangin point 35 chauh an la hlawhchhuak thei a, table-ah 23-naah an awm mek. Anni aia hniam awmchhun chu Black­pool chauh niin anni hian point 24 an hmu thung. Season tharah League One a tlahniam thei din­hmunah an ding mek.

Kum 43-a upa Cardiff City boss hlui hian nikum November 19 khan Uwe Rosler thlakin Wigan hi a zawm a, point 72 hmuh theihna tur inkhel aṭangin point 19 chauh a hlawhchhuah pui thei a ni.

Thawhṭanni khan Wigan hian Derby Coun­try chu 2-0 in an hneh lo a, hemi hnu hian an manager hi an ban zui ve ta a ni. Nikum August 30 aṭang khan Wigan hian an home game-ah chak ni hmel an la hmu leh lo a, game 18 chhung hnehna an chang tawh lo a ni.

Wigan chairman David Sharpe chuan, "Thu­­tlukna siam harsa tak a ni, mahse kan club hmalam hun kalzel dan tur ka thlirin he thutlukna hi siam a ṭul si a ni." tiin a sawi.