Hmeichhe ngaihsak tum tu Prince Ali

FIFA presidential candidate Prince Ali Bin Al Hussein chuan FIFA president atan thlan a nih chuan Women leh Youth World Cup atan sum tam zawk dah a tum thu a sawi.

Jordanian kum 39-a upa Prince Ali-a hi FIFA vice president nilai a ni a, kumin May 26 a FIFA president inthlan lo awm turah hian Sepp Blatter, Luis Figo leh Michael Van Praag te nen president nih an inchuh dawn a ni.

Prince Ali chuan, "Hmeichhe football ti hmasawn tur chuan a ṭobul aṭangin kan siam fel a ngaia, chumi tur chuan sum tam zawk kan theh chhuah a ṭul a ni. League leh International level-ah pawh ṭha tak leh changtlung taka an khelh theih nan sum sen tam a pawimawh," tiin hmeichhe football chawisan a duh thu a tlangau pui.