Masters khel turin ka inpeih - Woods

World number 1 hlui Tiger Woods chuan Ningani aṭanga ṭan tur Masters khel tura a inpeih thu a sawi.

American golfer Woods hi Masters-ah hian ṭum li a champion tawh a, amaherawhchu tun hnaiah result ṭha a nei lo. Woods hi 2008 US Open hnuah inelna lianah a la champion leh lo a, inelna a tel hnuhnun ber Phoenix Open-ah a career record chhiat ber ṭum a tawng a, inhliam vangi Farmers Insurance Open a hmachhawn thei lo bawk.

World number 111 na ni mek Woods chuan, "Ka hming chher lehna tur inlena lian ka hma­chhawn a ṭulin ka hria. Masters ka duh ang chiah inelna chu a ni a, inelna hmachhawn turin hian ka inpeih tawh a ni," tiin a sawi.