Ronaldo faktu Benzema

Real Madrid striker Benzema chuan Granada 9-1 a an sawp ṭuma goal nga khungtu a team mate Cristiano Ronaldo chu a fak hle.

French international striker chuan, "Ani ang player hi chu mi danglam bik an ni. Player ropui tak engtiklai pawha team tana awm reng ṭhin a ni. Granada kan tum ṭuma goal nga lai mai a khung kha ka lawmpui takzet a, a bik takin Real player goal 300 khung tling thei zinga a tel ve ta mai hi a phu ka tiin ka lawmpui hle a ni. Barcelona hneh loh hnu lawka chak kan nihna hian chak a ti nuam lehzual a ni," a ti.

Ronaldo hian Real Madrid tan match 287-ah goal 300 a khung tling tawh a, Raul leh Alfredo Di Stefano tih loha Real tan goal 300 khung tling leh thei hmasa ber a ni.