Phelps a lo kir dawn

Tui hleuh chak hmingthang Michael Phelps chu thlaruk zet hrem a nih hnuah infiamna khawvelah a lo kir leh tawh dawn. April 15-18 chhunga Mesa, Arizona hmuna tui inhleuhsiak lo awm turah tel a tum a ni.

Nikum September khan Baltimore, Maryland 45 mph chauh a tlan theihna hmunah Phelps hi zu ruih avangin 84 mph a chakin motor a khalh a, police-in an man.

Olympic gold medal 18 zet dawn tawhtu kum 29-a upa Phelps chuan, "Tunah chuan min hremna te a tawp tawh avangin hma lam hun ka thlir thei tawh ang. Tui inhleuhsiak tura ka kir a hun leh ta," tiin a sawi.