Inkhel turin ka inpeih - Wilshere

Arsenal midfielder Jack Wilshere chuan inkhel tur a inpeih tawh thu a sawi. A kerek na vangin February aṭang khan a inkhel mumal thei tawh lo a ni.

Thawhlehni khan Arsenal U21 team-in 4-1 in Stoke City an hneh a, hemi ṭum hian Wilshere hi minute 90 chhung a inkhel thei tawh a ni. French midfielder Abou Diaby pawh hun rei vak lo chhung a inlan thei tawh bawk. April 18-a Reading nen FA Cup an khelh hunah chuan a inlan ngei tawh a rinawm a ni.

England midfielder Wilshere chuan, "Tunah chuan inkhel turin ka inpeih ta, training ṭha takin ka zawm thei tawh. Premier League-ah chuan chet ran a ngaih em avangin insiamrem zung zung a ngai ṭhin," tiin a sawi.