I League 3 kalphung

Season hmasa aṭang khan I League 3 hi khelh ṭan a ni a, Indian football inelnaa fourth division a ni - a chungah hian Indian Super League, I League leh I League 2 te a awm.

Tun season-ah hian team 25-in inelna an hmachhawn a, heng zinga team 21 chu state champion emaw State FA-in an aiawh tura a thlan club-te an ni a, season hmasaa playoff khel phak, mahse, paltlang lo club pahnihin an khelh chhunzawm a, I League 2 aṭanga relegate club pahnih an tel bawk.

I League 3-a team 25-te hi group pangaah, team panga zel awmin ṭhen hran an ni a, group tina a sang pahnihte chu I League 3 playoff khel tur hian an tling.

Playoff-ah hian team 10 an awm dawn tihna a ni a, team 10-te hi group pahnihah ṭhen lehin, an inkhel kual leh ang a, a sang pahnihte chu nakkuma khelh tur I League 2 khel turin an tling dawn - pathumna ve ve te chu 2025/26 season atan I League 2 an tling bawk ang.

A tawi zawnga sawi chuan playoff khel tura inpettling team 10 aṭang hian team pali chiah an tla tawh dawn tihna a ni a, team parukin I League 2 an khel dawn tihna a ni.

Hei mai a ni lo - group pahniha hmahruaitu ve ve chu final an khel leh dawn a, I League 3 champion zawnna an nei dawn a, Chanmari tan national level inelnaa nomawi chawi a châkawm khawp ang.