Veteran Futsal inelna a awm dawn

Mizoram Football Association chuan October 2024 thla tir hian BR Studio Veteran Futsal Tournament a buatsaih dawn. Entry fee hi Rs 2000 a ni ang a, security deposit Rs 5,000 thehluh a ngai bawk.

Team khatah player pasarih aia tlem lo leh player 15 aia tam lo inziah luh tur a ni a, team official-ah player panga inziahluh theih a ni bawk. Futsal hi mi pangaa khelh a ni a, playing five-ah kum 45 chung lam pathum leh kum 40 chunglam pahnih an awm tur a ni.

Kum 40 chunglam hi 1984 leh a hma lama piang chin a ni a, kum 45 chunglam hi kum 1979 leh a hma lama piang chin a ni thung. Inelna hi R. Dengṭhuama Indoor Stadium-ah khelh a ni ang.

Entry Fee leh Security deposit hi September 21, 2024 ral hmain MFA Futsal Committee asst. secretary Lalrinchhana Fanai hnenah GPay (8415881653) hmangin pek tur a ni a. GPay-na screenshot hi, hemi number-ah tho hian screenshot hmangin thawn tel tur a ni.