World Cup 2026 final kan khel dawn - Brazil coach

Brazil coach Dorival Júnior chuan FIFA World Cup final an luh ngei tur thu a sawi. Selecao hi kum 1930-a inelna ṭantirh aṭangin an la tel vek a, kum 2026-ah pawh tel ngei tura ngaih ni mah se final khel tura rinkai ber chu an ni lo - a ṭawng huai hle.

Dorival Júnior chuan, "2026 World Cup-ah Brazil-in final kan lut dawn. Ka thusawi hi video pawhin la ula, final kan khel ngei dawn tih hi 100%-in ka chiang," tiin a sawi mauh mai.

Tukin zing dar 6:00 hian Brazil-in World Cup qualifier-ah Paraguay an hmachawn dawn. Brazil coach hi inhrosa viau mah se qualifier match sarih an khelh tawh chinah vawi thum an chak lo a, an record a ropui lo.

Chutihrualin 2026 World Cup-ah ram 46 an tel dawn avangin Brazil tan World Cup khelh phak a harsa dawn lo a, mahse final khelh phak erawh a harsa dawn. Selecao hian kum 2002-a an champion hnuah nomawi an chawi leh tawh lo.