Reds tan rawlthar duhawm Woodburn a sen lar

Liverpool tan pre-sea-son friendly match-ah rawl-thar duhawm Ben Woodburn-a langsar chhun--zawm zel - kum 16 leka upa midfielder hian Fleetwood Town 5-0 a an sawp ṭuma goal a khung hnu-ah Pathianni zan khan Wigan lakah goal a khung leh ta.

Reds tan Woodburn bakah hian Danny Ings chuan goal khat a khung ve bawk a, season thar aṭanga Championship khel tur club lakah hian 2-0 in hnehna an chang. Liverpool rawlthar zingah Ryan Kent leh Trent Alexander-Arnold ten an khel ṭha takzet bawk a, Reds fan-te phurna siamsaktu an ni.

Liverpool manager Jurgen Klopp-a phur a, German coach chuan, "Kan academy lamin hna
ṭha tak an thawk a ni tih chu vawiinah khan kan hmu a ni. Kan naupang rualte thiamna kha hmuh hmaih luih tur chuan mitdel ka nih a ngai ang. Mahse, kan hriat reng tur chu school naupang mai an la ni a, America-a ka hruai dawn leh dawn lohah buai a ṭul lo," tiin a naute chu US-a tour an neih hunah a hruai kher loh tur thu a sawi.

Reds rawlthar zingah Woodburn-a'n ngaihven a hlawh fal a, Aaron Ramsey nena khaikhin hlawh midfielder hian Wigan laka goal a khung hma hian Fleetwood lakah goal khungin goal hnih a siam bawk. Wales U17 captain hi England-a piang a ni a, age level-ah Wales tan inlan mah se a duh chuan senior level-ah England tan a inlan thei dawn - Wales nge England a thlan dawn? tih chu khawthlang media-te titi tui ber a ni leh der tawh.

Hetihrual hian Liver-pool boss Klopp-a'n pla----yer lakluh belh an la mamawh thu a sawi a, pound maktaduai 4.2 man Augsburg central defender Ragnar Klavan an hnaih leh tawh hle. Reds hian Kolo Toure leh Martin Skrtel an chhuahtir tawh a, kum 30-a upa Estonia captain hi defender pahnih thlakna tura Klopp mit latu a ni.

Tute nge inlan?

LIVERPOOL: Ka-rius, Randall, Lovren (Ilori 45'), Matip, Flanagan (Wisdom 45'), Brannagan (Lucas 45'), Stewart (Kent 45'), Ejaria (Alexander-Arnold 45'), Coutinho (Woodburn 45'), Firmino (Markovic 45'), Mane (Ings 45')