Davis Cup semifinal khel tur a hriat ta

Mipa tennis hmanga ram leh ram inelna 2016 Davis Cup quarterfinal chu July 15-17 chhung khan khelh a ni a, Great Britain, Argentina, France leh Croatia ten semifinal an inhlangkai.

World number 1 Novak Djo-kovic leh number 2 Andy Murray te chu Wimbledon an khelh hah bakah Rio Olympic atana inbuatsaih an duh avangin Serbia leh Britain inkhelah an inlan lo.

Champion lai Britain tan Kyle Edmund chuan single-ah hnehna changin double-ah Jamie Murray leh Dom Inglot te ṭang dunin hnehna chang bawkin Serbia lakah 3-2 in hnehna an chang.

Argentina tan kum li hnuah Juan Martin Del Potro a lo kir a, US Open champion hlui kaihhruaina hnuaiah Italy chu 3-1 a hnehin semi-final an lut. September 16-18 khian khualmualah Britain an hmachhawn leh dawn a ni.

Ram pahnihte hi semifinal-ah
ṭum li an inhmachhawn tawh a, 1981, 1989 leh 2008-ah te Argen-tina hian hnehna changin Britain chak ṭum
chu kum 1928 daih tawh kha a ni.

Quarterfinal inkhel dangah Jo-Wilfried Tsonga hoa khel France chuan Czech Republic lakah 3-1 in hnehna an chang ve bawk a, Croatia chuan 3-2 in United States an hneh ve bawk. France leh Croatia te hi final luh inchuhin an inhmachhawn ve leh ang.