Pakistan-in England an hneh

1st Investec Test-ah Pakistan-in run 75-in England an hneh a, match li khelh tura match hmasa berah 1-0 in hma an hruai. Misbah-ul-Haq-a'n second innings-ah run siam lo mah se first innings-ah century (114 runs) a siam avangin an chakna kawngah player pawimawh a ni.

Pakistan hian bat hmasain ni khatnaah Misbah-ul-Haq chuan century siamin 'push up' hmangin a lawm a, lawm a hlawh hle. Ni hnihnaah Pakistan hian runs 339 an tlin a, England bat hun a thlenin first innings-ah run 272 chiah an tlin avangin an dinhmun a ṭha lo. Pakistan hian 2nd innings-ah run 215 chauh an siam avangin England tan chak beiseina a awm a, amaherawhchu Pakistani bowler Yasir Shah (wicket 4) leh Rahat Ali (wicket 3) te an chet ṭhat avangin mualneitu England-in beisei an pha chhunzawm lo.

England hian run 207 an siam tihin an thi fai vek a, ni ngana thlen ngai loin inkhel hi ni linaah a zo bawk. Pakistan leh England hian July 22, Zirtawpni hian test match vawi hnihna an khel ang.