Amir Khan chotu Vijender

Vijender Singh-a'n WBO Asia Pacific super mid-dleweight kawnghren
hreng turin Australian boxer Keery Hope a hneh a, Indian boxer hian British boxer langsar Amir Khan-a cho!

Kum 30-a upa Vijen-der Singh hi WBA (Super) leh IBF light-welterweight champion Amir Khan chuan Vijen-der hi India ramah ngei hmachhawna inhnekpui a chak thu a lo sawi tawh a, Vijender-a'n tawnhriat ngah boxer hi a hlau bik lo.

Haryana tlangval chuan, "Tunah chuan cham-pion ka nih tawh avangin ka world ranking pawh top 15-ah a awm tawh dawn tihna a ni a, chumi awmzia chu ka hmaa ding pawh boxer ṭha zawk an ni zel tawh dawn. Mahse, ka hmaah hian tupawh ding se hmachhawn turin ka inpeih tawh a ni," a ti.

Indian boxer zinga Olympic-a medal awrh hmasa ber chuan sawi chhunzawmin, "Amir Khan nen kan weight category a in ang lo a, ani hmachhawn tur hian ka rihna ka tih hniam emaw Amir hian a intih rih belh a ngai ang. Amir Khan hmachhawn hi ka ngaihtuah ṭhin a, India-ah ngei kan inhmachhawn ka beisei," tiin a zam lo.

Vijender-a promoter Francis Warren pawhin, "Amir Khan hi keini pawh in kan thlithlai reng a, India-ah Vijender leh Amir an inhmachhawn a nih chuan a ropui ngawt ang. Amir-a team te nen kan indawr tawh a, he inhnek hi thleng ngei se an duh tih ka hria a, Vijender-a pawhin a duh tih ka hria a ni," tiin boxer pahnih chu an incho tawk thu a sawi.