Simona Halep a champion

Rio Olympic-a a tel loh tur thu sawi mah se Si-mona Halep chuan chanchin lawmawm dang a neih chhunzawm nghal. Pathianni zan khan seeded pasarihna Anastasija Se-vastova chu 6-0, 6-0 a hnehin Bucharest Open-ah a champion.

Romania star hian harsatna liantham a tawk lo tih a hriat theih a, mi--nute 46 chhung leka hnehna chang theiin a service aṭang phei chuan 70% zet point a hmu. Madrid-ah a lo hlawhtlin tawh bawk avangin kumina WTA title pahnih a lakna chiah a ni.

Kum 24-a upa Halep chuan, "Mahni ram ngeia min ṭantute hmaa hnehna chan aia nuam hi a awm chuang lo, vawiin hian ka hlim a, ka champion hi fan-te tan ka hlan," a ti.