Milan coach a lawm

Serie A club AC Milan coach Vincenzo Montella chuan season thar inbuatsaihna inkhela Bordeaux 2-1 a an hneh
ṭuma a naute khelh danah a lawm thu a sawi chhuak.

Fiorentina leh Samp-doria boss hlui Montella naute hian first half-a goal hnih khung hmanin hnehna an chang a, manager thar hian season thar atan in-buatsaihna hun an la neih-ah hma an sawn zel a beisei thu a sawi tel bawk.

Kum 42-a upa Mon-tella chuan, "Kan match hmasa ber a ni a, practice-na hmuna kan zir angin kan khel thei bawk. Ka naute khan hmasawnna tur an la neih tih chu hmuh theih ni mah se an khelh danah khan ka lawm tawk, inbuatsaihna hun kan la neihah hmasawn zel kan tum ang," tiin a sawi.

Milan hian tun thla tawp lam hian Uni-ted States lamah International Champions Cup khel turin an zin dawn a - Bayern Munich, Liverpool leh Chelsea te nen an inhma-chhawn ang.