Lionel Messi tel lohna Argentina ring lotu Menotti

Argentina boss hlui Cesar Luis Menotti chuan Lionel Messi tel lo chuan Argentina tan World Cup pawh khelh phak loh mai a hlauh-thawnawm thu a sawi!

Barcelona forward hian Copa America final-a Chile an hneh loh hnuah ram tana inkhelh a chawlhsan thu a puang a, Messi thutlukna hian football khawvel a barakhaih a, Argentina footballer hlui, ram hruaitu leh fans tam tak chuan an ram captain hi Argentina kawr ha leh turin an ngen.

Kum 1978 World Cup-a Argentina cham-pion puitu coach chuan, "South America aṭangin team panga chiahin World Cup an khel dawn a, Lionel Messi tel lo chuan tling lo mai thei dinhmunah kan ding. Qatar 2022 atana inbuatsaih mai pawh a finthlak tawh zawk ang," tiin Messi tel lohna Argen-tina team a ring zo lo!

Argentina hi South America World Cup qua-lifying table-ah pathumna an ni mek a, vawi ruk inkhelhah vawi thum hnehna chang tawhin vawi hnih an khingpui an inhnehtawkpui a, vawi khat an tlawm tawh bawk. Table chung ber luahtu Uruguay chu point hnihin an phak lo mek a, an hnuaia awm Chile leh Colombia aia an sanna chu point khat chauh a ni.