Best Player in Europe Award Dawng thei tur player 10 an puang
Best Player in Europe Award dawng thei tur player 10 hming chu Thawhṭanni khan UEFA-in a tarchhuak a, European Championship-a Portugal champion puitu Cristiano Ronaldo leh Copa America-a Argentina pahnihna nihpuitu Lionel Messi te chu player langsar an ni.
Messi Vs Ronaldo
Kum 2011-a Best Player in Europe Award sem ṭan a nih khan Barcelona forward Lionel Messi-a'n a dawng a, Argentine forward hian nikum khan chawimawina hi a dawng leh bawk. Messi dawn inkarah hian Andres Iniesta (2012), Franck Ribéry (2013) leh Cristiano Ronaldo (2014) ten an dawng.
Portugal captain hian kumin hian chawimawina hi a dawng thei a nih chuan Messi nen an dawn zat a inang chiah ang a, Barcelona forward hi hlan a nih erawh chuan vawi thum dawng hmasa ber a ni ang.
Thlan dan hmang
UEFA hnuaia ram 55 journalist-te'n an player ṭha tih panga ṭheuh an thlang a. Pakhatnaa an thlan player hian vote nga an hmu a, pahnihnain vote li hmuin, pathumnain vote thum an hmu a, palinain vote hnih hmuin panganain vote khat an hmu thung.
Vote hmu sang 10-a lang pha chin hi thlan ṭhat leh tur a ni. August 25 hian Monaco-ah vote hmu sang pathum puanchhuah leh tur a ni a, hemi rual hian UEFA Champions League group stage draw neih a ni ang.
Premier League-a Leicester City champion puitu Riyad Mahrez leh Jamie Vary te chu top 10-ah an lang pha lo chiah chiah a, chawimawina dawng thei turte hi Real Madrid, Barcelona, Bayern Munich, Juventus leh Atlético Madrid player-te an ni.
Pogba leh Will Grigg
Man United-in pound maktaduai 100 bawr vela lakluh an tum Paul Pogba chu top 10-ah a lang pha lo a, French midfielder hi 25-naah awm pha ṭawkin Will Grigg nen an point hmuh zat a inang.
Northern Ireland striker Will Grigg-a'n season liam ta khan Wigan Athletic tan goal 25 a khung a, League One aṭangin Championship-ah a kai pui bawk. Amaherawhchu kum 25-a upa Will Grigg hi Euro 2016-ah khan bench-ah a ṭhu tluan a, khawvelin an hriat lar chhan erawh ama puala hla 'Will Grigg’s On Fire' vang a ni.
France ramah khan Will Grigg hi bench-ah ṭhu mah se mipuiin ama puala hla hi an sa dual dual a, he boruak hi a len em avangin player ṭha 37 zingah hian a lang pha hialah a ngaih theih.
Vote hmu sang 10 chu
Player Club & Ram
Gareth Bale (Real Madrid & Wales)
Gianluigi Buffon (Juventus & Italy)
Antoine Griezmann (Atlético Madrid & France)
Toni Kroos (Real Madrid & Germany)
Lionel Messi (Barca & Argentina)
Thomas Muller (Bayern & Germany)
Manuel Neuer (Bayern & Germany)
Pepe (Real Madrid & Portugal)
Cristiano Ronaldo (Real Madrid & Portugal)
Luis Suárez (Barca & Uruguay)
Note : Alphabetical Order-a dah a ni.
Top 10-a langpha lote
(An vote hmuh san dan indawtin)
Player Club & Ram
11 Riyad Mahrez (Leicester & Algeria)
12 Jamie Vardy (Leicester & England)
13 Dimitri Payet (West Ham & France)
14 Jérôme Boateng (Bayern & Germany)
15 Arturo Vidal (Bayern & Chile)
16 Luka Modric (Real Madrid & Croatia)
17 N'Golo Kanté (Leicester & France)
18 Zlatan Ibrahimovic (PSG/Man Utd & Sweden)
19= Eden Hazard (Chelsea & Belgium)
19= Andrés Iniesta (Barca & Spain)
19= Neymar (Barca & Brazil)
19= Renato Sanches (Benfica/Bayern & Portugal)
23 Robert Lewandowski (Bayern & Poland)
24 Gonzalo Higuaín (Napoli & Argentina)
25= Giorgio Chiellini (Juventus & Italy)
25= Diego Godin (Atlético Madrid & Uruguay)
25= Will Grigg (Wigan & Northern Ireland)
25= Hugo Lloris (Tottenham & France)
25= Paul Pogba (Juventus & France)
30= Toby Alderweireld (Tottenham & Belgium)
30= Aubameyang (Dortmund & Gabon)
30= Kevin De Bruyne (Man City & Belgium)
30= Kevin Gameiro (Sevilla & France)
30= Grzegorz Krychowiak (Sevilla/PSG & Poland)
30= Blaise Matuidi (PSG & France)
30= N'Koudou (Marseille & France)
30= Jan Oblak (Atlético Madrid & Slovenia)